( مصراته الصمود )

**.*( بنت عرادة )*.** · 09-07-2011, 02:04 PM

القوة والعزم والإرادة وتاريخ الجدود ...
صعب تلقاهم , بس في ليبيا موجود ..
لا تقوللي يأس , ولا تقوللي للصبر حدود ..
بعد اللي شفته بعيني ...
فوق مصراته مافيه صمود .
ربي يحفظ شباب مصراته وشباب ليبيا كلهم من الشرق للغرب وين مايكونوا

المصدر: منتديات شباب ليبيا - من قسم: شعر و قصائد

( lwvhji hgwl,] )

**الاهلاوي الفاخري** · 09-07-2011, 04:41 PM

ريت شبابك يا مصراتا ** باع حياتا ** ناوى سيف وناوى باتا

ريت شبابك

ميّه ميّه ** يوم قليّه ** واجه نار المدفعيه
وارباجيه وعنقوديه **ما همّاتا ** قصف مدافع دباباتا
شعبك ثار وعاقد نيه ** كى هبّاتا ** ريح الحريه شالاتا
لازم يكسب ها القضيا ** يثبت ذاتا ** يلحق بلركب اللى فاتا
يبنى دوله مدنيا** طالاباتا ** يخلص م الجن وراياتا
بو شفشوفا شيطانيا ** شين لغاتا **جاب طبايع من خالاتا
ودّك فيه الشنق شويا ** بعماماتا ** مسمح ع الجابر شنقاتا
ريت شبابك

ف الزنتان ** وف الرجبان ** ادّاعوا جمله ع النيران
وماهم خيّان وجرذان ** ولا حبزاطا ** لا بلعار رضوا هيهاتا
ما يعنيهم ها الشيطان ** برشاشاتا ** والجاراد وراجيماتا
كلتهم صدرا عريان ** يريد اماتا**مو سايل فى موت خذاتا
خش النار وهو طربان **اللى انفعاتا ** طامع ف الله وجناتا
طالب زرّا للجبان ** ولعصاباتا ** م اللازم يدحر قواتا
جيش ملمد م الشوشان **وقناصاتا ** دافع فيهم مليوناتا
من مال الشعب التعبان ** ومن ثرواتا **يسرق فيهن ملياراتا
طالب من ربى سبحان ** بتسهيلاتا ** فى لعزيزيه شنقاتا

ريت شبابك

يا مصراتا ** باع حياتا ** ناوى سيف وناوى باتا

اهلين بنت عرادة تقبلي مروري

**.*( بنت عرادة )*.** · 09-07-2011, 05:22 PM

يالله .. تسلم على هالكلام الحلو .
مشكووووور
ربي يخليك ويخلي نادي الاهلي ..
والله غاليين علينا يأهل بنغااازي .

**ASSDAF** · 09-07-2011, 11:00 PM

الله يحفظ مصراته والله صمود والمدن الليبية كلها قامت بهالثورة ربى يحفظهم ويحفظك اختى مشكورة القصيدة حلوا هلبة

**.*( بنت عرادة )*.** · 09-08-2011, 11:11 AM

تسلميلي والله انتي الحلوا ..

اكييد ليبيا بالكامل وقفت وقفة وحدة ضد الظلم ..
تحية لكل مناطق ليبيا وتحية لكل ليبي رفع راسنا في هالثورة
مشكووورة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تاريخ مصراته الصمود	سيد الخوارق	المنتدى العام والحوار الجاد	0	09-03-2011 10:39 PM
للشاعر على بواسليم الشلوى	هذا انا	شعر و قصائد	0	09-03-2010 06:54 AM
وافي عهدي..شعر:أحمد الشلوى	الح ـــنونة	شعر و قصائد	1	06-25-2010 01:13 AM
شي لا تستطيع الصمود بدونه	اميمة خالد	المنتدى العام والحوار الجاد	32	06-23-2010 07:44 AM
عضوة جديدة من غزة الصمود	زهرة الاحلام	منتدى الترحيب بالاعضاء الجدد والتعارف	6	10-15-2009 07:35 AM

( مصراته الصمود )

شعر و قصائد

روابــط تهمـــك

روابــط مفيدة

برامج ننصح بها