مرحبا بك في منتديات شباب ليبيا يمكنك أن تقوم بزيارة أفضل صور جديدة وحصريه وكذلك يمكنك زيارة منتدى غرائب وعجائب العالم  وكذلك لا تنسي قسم الـ قصص والروايات الشيقة وكذلك للفتيات يمكنكم زيارة قسم ازياء وموضة ويمكنك مشاهدة  مسجات للموبايل وترقبوا كل ما هو جديد وحصري في منتديات شباب ليبيا

 


العودة   منتديات شباب ليبيا > منتديات ادارية > منتدى المواضيع المكررة والمحذوفة

منتدى المواضيع المكررة والمحذوفة كل المواضيع المكررة والمحذوفة توجد هنا للرجوع إليها في أي وقت .

إضافة رد
 
أدوات الموضوع انواع عرض الموضوع
قديم 07-30-2011, 10:54 PM رقم المشاركة : 1


الصورة الرمزية يحيى♫المعكوك ~

رقم العضوية : 179773
تاريخ التسجيل : Jul 2011
عدد المواضيع :
عدد الردود :
مجموع المشاركات : 254
العمر : 22
الإقامة : حضــن حبيبتي الــدافئ

يحيى♫المعكوك ~ غير متواجد حالياً

افتراضي خشوا أقروا القصة لي صارتلي في طرابلس بس بشرط ماتضحكوش^^







وعليكم السلام
شن حالهم خوتي ؟
طويبا لامور؟
القصة هادي قبل بنكتبها في منتداي بس سكروه مش عارف علاش

المهم
 ياسيدي بن سيد خ نبدا نحكيلكم ع الدوشه لي صارتلي في الأزمه لي صايره في العظمى
طبعا زنقا زنقا خشت بعضها والكآبو متصندل بالصنة ونآس تموت ورعايش والفضائيون يبوا يحتلوا كوكب ليبيا

المهم أني في الأحدآث المتشنكشه صآرلي حدث خآص بيا 
مأساوي للعشره لاف

طبعآ في الأزمه ضربني الكسآد و الكآبة
الكساد سببه انقطاع الوريد الإنترنتي والكآبه سببها غلاء الدخآن وبدي سومه زي سوم الرووج ~(نعم للمخدرات لا للحياة)
معآش عرفت اندير حل شخصي لحالتي
المهم شديتها بحر وهياجة وتخنيس وترزريز
كل شي مشي مليح إلا البحر ماباش يمشي مليح
قولوا كيف ؟
وحدة من المشيات للبحر صارتلي كاري ته
 مش كارطه يا أغبياء

 تي الكارته هادي متاع نشرة الطقس زبطوها ؟! زي كيف وحدة معاش عرفت شن اطيب ع العشي امشي دارت لي صغارها نفاص بالطن وبراد شاهي وقتلهم اتسمسموا و خشوا أرقدوا !
 هادي هي قمة الكارته ! ( ره مش أمي الوحدة ره ^_^)

المهم في البحر ضربتني هبلة اتصلويط أني و الولاد
قعدنا انصلوطوا صالطوات صدر والجو فلة (أحني انصلوطوا وناس اتموت)
إلى أن حدث مالم يخطر على بال أحد
حآشاكم واحد من صالطواتي جي غلط 
جريت ونقزت من السكوليو وع أساس بنديره صدر
وكيف بنوصل للميا
شوي طلعلي واحد عبيد قدام خنفورتي
ناوي بنهرب منه في الهوا
القيت روحي مغروس في القزا 
وصآرت فيا حالة
طبعا راصي ارتشق وضهري اتشكل زي الكاجو

طلعت من البحر وقعدت امطبص لين جابولي فوطة
قعدت شاد راصي لأن معاش قدرت انقيمه 

والحق خنست منها رقبتي لأنها بدت توجع هلبا
قالي منذر (منذر ولد صاحبي) عادي عادي حتى أني صايرتلي قبل حركها رقبتك شويه وتو تمشي لومور
وهيا ما تبي شي بنمشي بنكمل باقي الصالطوات !!
 لمسخ ركلي روحه سباح ألومبيات !
المهم قتله هادي ورحمة العازوز إلا رقبتي انكسرت
وهي بنمشي لي شآرع الزاويه
رفعوني لولآد لي شارع الزاويه الألعبي
والحق وجعتني العكسا ع البحر كان الجو ع الكيف وامسبسين والجو رائع لاكن الله غالب

المهم وصلنا لي شآرع الزاوية وأني خاش جوي فري نضحك والولاد أيضا يضحكوا
خشيت صورت علي الإصآبة
وقعدت انراجي لين تطلع الصورة !
ودورة نشبح في حاجة خضرة امشحطا جاية من بعيد وقفت قدامي وبدت تشبحلي !!
قلت خيرها هادي !!
امشبها فيا هالدجوكا ولا شنو !!
المهم كحلت لي ايدها القيتها شادة الصور متاع رقبتي !!
طلعت المشحطه هادي هي الدكتوره !!
قتلها ها يا دريه شن منو !!؟

قتلي عادي انقول ؟
قتلها قولي ميحشمك شي يا ماما !! ( أني انرطب فيها ع اساس بناخدها بلسان ! نحسابها بتعترف بإعجابها بيا ! وين تلقاه سنفور زيني لونه برنزي من البحر ؟!!)
المهم أني انفكر في جيهة وهي في جيهة تانية !
قتلي عندك كسر في الفقرة الخامسة وعندك الفقرة الرابعة والسادسة متحركات من امكانهم وفي احتمال ايجيك شلل نصفي !!! 
وهي قريب اتسيخ الدكتوره شكلها كيف متعينه جديده وطايح عليها قاموس طبي تحديدا باب الضهر والفقرات!!
أني الحق اتكنطيت!!

 لأن نحسابها الدكتوره تخرط وقلت شكلها امسبسة حشيش !
قتلها تي كيف صار يا دريه؟ منذر قالي عاديه وبالأمارة ديمه اتصيرله وحق ربي امالا هي !!!
قعد انكشخ قتلهم جيبوا زوز دكاتره تانين واحد ايشوف الدكتوره هادي لأنها تتعاطا وواحد ايشوف رقبتي خير امصيبتها
جاني دكتور عملاق كبره زي السفينه
وقالي خيرك اتعيط يا شبوب !؟
قتله آآه 
 لالا مافي شي الأمور طيبه
عندك ولعة ؟؟
قصدي شوف الصور وقولي وضعي شنو لأن دكتورتكم شكلها ناجحه بالتنقيل
قالي به
وشاف الصور وركلي نفس الدسكة متاع الدكتوره !!
قلت زعما حتى هو يتعاطا ؟
بعدها قلت ياودي حتى لو كان امسبس احشيش هذا العملآق حتى بنزينة متاع طيارات متفلقش فيه
لأنه ماشاء الله يده كبرها زي البآله
قتله به ياوحش قصدي يا دكتر شن الرآي ؟
قالي خود هذا وركبه في رقبتك 
قتله شن هذا ؟ 
قالي ركبه في رقبتك ومعاش اتحركها وضم فمك
قتله أوكين حاضر !
ركيت تصفيرتين للولاد باش ايخشوا
والدكتور رك تصفيرتين للمرضات باش ايخشوا يرفعوني
جابولي سرير وطبعا ممرضآت من الأخير عجبوني ماشاء الله
وأني سخون من ملح البحر ومن الكسر يعني شوفوا جوكم !!
شديتها تلقيح عليهم لين وصلت للدآر !!
قتلهم فيها حتى دار الحكاية !!
الله لتربحك ياولد العبدة !!(ولد العبده هذا لطلعلي كيف صلوطت)
رقدت الليلة الأولى في المستشفى واليوم التاني جاني بوي وأمي وهلبا ناس
أمي اتغششت تأبرني و قعد بوي شادها بجرتي واتكنطا ( هذا هبالك وهذا تنقيزك) ولك لك لك لك قريب ساعتين
قتله يا بوي وراص اوبي ماتنفخليش كبدي ماسد ضهري مدشدش وماسد انت ادشدشلي في راسي صدقني شلل رباعي وشلل أطفال رح ايجيني من نفخك
وقتله ع اساس كيف كنت شبوب زيني كنت طارازان فوق اتصلويط !!! تماهو زينا زيك يا شاباني ويوم ليك ويوم عليك
وهي طفيلي الضي بنكلم البعيصه !! 
دارلي الشبحه وكيف جي بيعنفقني لاكن مقدرش يستطيع لأن رقبتي متفترشه مافيها مايتعنفق !!

والمهم بوي ما قصرش وقامها بيا واللي نبيه قبل مانطلبه ايجيبهولي مسكين !! 
طبعا حالة المستشفى هرداميسه 
والمعاملة اتقول في سجن أبو غريب

وما نحكيلكمش علي ريحة الدار اتقول بوتيل عسكري
طبعا الدار فيها تلاته أسرااا 

السرير الأول واحد مضروب في الجبهآاا ( مش جبهة الوجه !! الجبهة متاع مصراته هو معا الكتايب) المهم انضرب بشضيه متاع صاروخ في عينه والشظيه صغيره هلبا وكيف يسعفوا فيه داروا حادث بسيارة الإسعآف !! وصارله كسر في الفقره السابعه ~ مسكين اتبهدل حتى رجليه ميحركش فيهم! 
والسرير التاني فيه فرخ عبيد صغير اتشادي طايح من الدور الخامس وصايرله الفقدان وصنته زي الجيفه وقاعد حي شكله يآكل في قشور الدلاع هلبآ 
والسرير الثالت فيه أني عمكم البرنس يحي آل نهيآن !
طبعآ الإيامات الأولى شادها ارقاد في السرير لليوم الخامس فديت خيرات الله

وشغلت دسكة التلقيح
وينك يا دكتور لقح عليه
ووينك يا ممرضة هدرز عليها
ووينك يا مريض كيخ عليه
وحتى من السودانية لتسيق في الممرآت شردتها
تعالي امسحي اهني وتعالي قيمي هادي
شديتها ادلع وفساد
لين في اليوم الثامن اللي هو توا واللي نكتب فيه في القصة 
هدرزت علي الوالد 
قتله المشي لي تونس شن بي صير فيه !!؟ 
قالي الأسبوع الجآي نطلعوا بيك لي تونس !
لأن حالتي في احتمال تبي عملية باش ايولوا الفقرات
وطبعا مانبيش انديرها في ليبيا لأننا ليبين ونعرفوا بعضنا ماليناش علاقة بشي
وربي يستر
غدوة بنطلع من المستشفى وبنروح للحوش وبنرتب أموري وبعدها بنتسقدوا لي تونيسيا

 ويارب ايولي النت باش انحط قصتي ^_^
والنص التاني تو انكمله بعد مانمشي لي تونس


للحديث بقية ~
هيييييه







حاليا اني في تونس ليا اسبوعين وباقي القصة تو نكتبها بعد منروح لي العظمى هذا كان روحت
هي تشاو




oa,h Hrv,h hgrwm gd whvjgd td 'vhfgs fs fav' lhjqp;,a^^





اخترت لكم من مواضيعى

0 السلام عليكم
0 ﺷﻜﺮﺍ ﻫﻠﺒﺎ ﻳـ ﻋﻴﻮﻧﻰ ﻗﻠﺒﻲ ﻋﻠﻲ ﺍ ﻳﺪﻳﻜﻰ ﻣﺎﺕ
0 قصة الحب بيني وبين سالمة بنت جيرانا كيف كنا في الصف التالت
0 طــلب بسيط لو ممكن ...
0 هديه لي حبيبتي ولكلـ المكبدين والمكبدات
0 نبــــي ترحيـــب يا عسولـيــن
0 balti new
0 عندما يعشق الصبع الخنــانـــه يحدث التالي~
0 حصري (ماقاله القدافي عند الامساك به)
0 كم أحبك و أهوى جنونك ~ بقلمي !!
رد مع اقتباس
قديم 07-31-2011, 01:43 AM رقم المشاركة : 2


الصورة الرمزية وردة السعوديه

رقم العضوية : 176533
تاريخ التسجيل : Jun 2011
عدد المواضيع :
عدد الردود :
مجموع المشاركات : 2,992
الإقامة : نجد بنت المجد

وردة السعوديه غير متواجد حالياً

افتراضي رد: خشوا أقروا القصة لي صارتلي في طرابلس بس بشرط ماتضحكوش^^





رغم ان نص اللهجه مافهمتها بس الحمدلله فهمت القصه
اسلوبك ضحكني خصوصا وانت تقول للدكتور وحش ههههههههههه شكل دمك خفيف ماشاءالله عليك
ولاطالع على ابوك طرزان اجل اجل نقول ذاك الطويرزان من ذاك الطرزان<<الطويرزان تصغير طارزان
الله يشفيك ياخوي وترجع ان شاءالله من تونس بالسلامه مشافى معافى باذن الله..
ودي




اخترت لكم من مواضيعى

0 توضيــــــــح لأحبائي الأعضاء !
0 الحروف تبعثرت واللسان عجز عن النطق !
0 شــآت جلستنــآ غيـــر ^^ (الثلاثاء-الإربعاء)
0 هنآ..كل مايخص بلآدي (بلآد الحرمين)
0 السلام على اهل ليبيا..
0 جامعة نوره للبنات اكبر جامعه نسائيه في العالم حقيقة وليس خيال
0 ماذا بالنسبة لصالح عبدالهادي ياإخوتي ؟
0 هل انتهيتم من اللَّطْمِ خلف شاشاتكم المحترمه؟ ارجوكم لاتجعلوآ صباحاتكم كصبآح [فاطمهـ]
0 كن واثقاً من نفسك وعود قلمك على الكتابه ... نداء بخصوص المواضيع المنقوله
0 هنا لنبآركـ للمتألقهـ دوماً SKOn
رد مع اقتباس
قديم 07-31-2011, 12:57 PM رقم المشاركة : 3
سعوديه اناا
عضو
هام


الصورة الرمزية سعوديه اناا

رقم العضوية : 161575
تاريخ التسجيل : Feb 2011
عدد المواضيع :
عدد الردود :
مجموع المشاركات : 4,565

سعوديه اناا غير متواجد حالياً

افتراضي رد: خشوا أقروا القصة لي صارتلي في طرابلس بس بشرط ماتضحكوش^^





هههههههههههههه
ع الحكيات اللي فهمتها
لان نص الكلام والله ما فهمته
وماتشوف شر ان شاء الله




اخترت لكم من مواضيعى

0 هل لي أن أتحدث للنجوم قليلا"..!!
0 فل نهنئ جميعنا نجمه المنتدى بسمه الم.
0 مشروع القران الكريم بجامعه الملك سعود
0 مقطع عجبني
0 عندما يبكي الياسمين...
0 ابي ترحيب يهز المتدى..
0 آضحكنٍي قٍنآآ ع ألطفٌله
0 قصيده نجم الثريا.صل الله عليه وسلم
0 اذا اردت ان تعصي الله؟؟؟؟
0 كن فاصله, ولا تكن نقطه.
رد مع اقتباس
قديم 07-31-2011, 02:54 PM رقم المشاركة : 4
بسمةالم
عضو
هام


الصورة الرمزية بسمةالم

رقم العضوية : 146559
تاريخ التسجيل : Dec 2010
عدد المواضيع :
عدد الردود :
مجموع المشاركات : 3,482

بسمةالم غير متواجد حالياً

افتراضي رد: خشوا أقروا القصة لي صارتلي في طرابلس بس بشرط ماتضحكوش^^





هههههههههههههههههههههههههههههههههههههههههههههههههه هههههههههههههههههه
اني معش عرفت نركز من الضحك كل كلمة نضحك عليها
وتخيلت المنظ وانت تحكي للدكتورة وتحكي للي راقدين معاك
بجد ضحكت من قلبي
قلبي وجعني من الضحك
ربي يشفيك وترجعلنا بسرعة
حتى تكمل باقي القصة
والله ضحكتني هلبة
ودمك خفيف هلبة هلبة
ههههههههههههههههههههههههههههههههههههههههههههههههه
لتوا مش قادرة نسكت من الضحك




اخترت لكم من مواضيعى

0 لن ا ح ب ك ولن اعشقك وانــــما ,,,,,,!!!
0 هنيئا لك يامن تكتب في القسم الأسلامي.
0 هادي هي البنت الليبية ..يللي تسأل وماتعرفها !!!!!
0 انظر للطفل الصيني ماذا يفعل في,,,مشهد لايصدق !!!!!!
0 الـــحب ليس كلمـــــات تقــال وانـــما ..!!!!!
0 لاتسـألني من أكون ؟؟فقد جعلتني انـثى بالمختصر
0 إذا عندكم الجرأة جاوبوا!!!!!
0 الى من تركتني ورحلت !!!
0 الـــيك يــا تــؤام احــساســـي ..!!
0 لــــيــــــــــبـــــــــــــيــــــــــــــــا.. ...ارض الثـــــوار
رد مع اقتباس
قديم 07-31-2011, 04:20 PM رقم المشاركة : 5
هذا انا
عضو
هام


الصورة الرمزية هذا انا

رقم العضوية : 107203
تاريخ التسجيل : Aug 2010
عدد المواضيع :
عدد الردود :
مجموع المشاركات : 2,301
العمر : 23
الإقامة : ~(طبرقـ بلآد الرجالـ)~

هذا انا غير متواجد حالياً

افتراضي رد: خشوا أقروا القصة لي صارتلي في طرابلس بس بشرط ماتضحكوش^^





هههههههههههههههههههههههه
هههههههههههههههههه
ههههههههههه
هههههه
ههه
ه

والله كلام يموت من الضحك
قصة خيال خويا
نتظر في باقي القصة
انهنيك على اسلوبك الرائع

اخوك

☠ ھڎٱٱٱٱ ٵٵٵڼٱٱٱٱٱ ☠




اخترت لكم من مواضيعى

0 >>|| جـــــــــــآآبولي صــــــورهــآآ ||<<
0 ~~(قصة اخوكم ( هذا انا )~~
0 ،...:| سحقــــــــــــــــــــــــــــاً |:...،
0 لِلْجـــمِيـــــلآتْ فَقَــطْ !!! i i i
0 ممنوع الدخول لعدم الاحراج ....ارجوكم....
0 جمااال شخصيتك في : ( لا ) ... ( لماذا ) ... ( إذن) ...!!!
0 اجمل الكلمات عن" الحزن".,:,.
0 ابيض شو ( صالح الابيض) الحلقة التاسعة
0 ماذا قالو عن المستشار مصطفى عبد الجليل
0 >>|| النـســــــــــآآنــــــــــ ||<<
رد مع اقتباس
إضافة رد

مواقع النشر (المفضلة)

الكلمات الدلالية (Tags)
ماتضحكوش, مي, أقرؤا, القصة, بس, بشرط, حزنا, صارتلي, طرابلس

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
نصيحتي لكم .. أقرؤا هذا الدعاء Stolen Child منتدى شهر رمضان المبارك 1 08-08-2010 07:03 PM
الإبداع في مصر لا يُصدق ... خشوا أقروا سمو الأمير المنتدى العام والحوار الجاد 23 04-05-2010 07:08 PM
صارتلي اليوم الغايب مازال منتدى المواضيع المكررة والمحذوفة 1 10-16-2009 06:39 AM
والد ينصح ابنه يشرب الخمر و الزنى ولعب القمار ولكن بشرط؟؟؟ النجم الساطع المنتدى العام والحوار الجاد 9 09-08-2009 04:15 AM
ادخل بشرط ؟؟؟ كوثر عيسى منتدى المواضيع المكررة والمحذوفة 2 09-07-2009 01:46 AM

RSS RSS 2.0 XML MAP HTML

الساعة الآن 06:06 AM.
Version 3.8.7
Copyright ©2000 - 2014, Jelsoft Enterprises Ltd.
Content Relevant URLs by vBSEO 3.6.0
 

الوصول السريع

طريقة عمل الكيك صورلمناظرطبيعية كيف تجعل شخص يحبك نكت مضحكة اسماء بنات ايميلات بنات صور بنات طبخات سهلة اكلات جديدة عمل ايميل على الياهو شعر حزين شعر حب وصفات لزيادة الوزن مسجات حب قوقل ايرث اسماء اولاد منال العالم نكت محششين بنات للتعارف مسجات مقالب غرائب وعجائب اجمل الصور اسماء البنات مترجم انجليزي عربي اجمل النكت كلام حلو أسماء بنات اجمل نساء العالم اسماء اطفال اناشيد طيور الجنة ايقونات الحب صور قلوب اختصارات ماسنجر مسجات شوق فوتوشوب عربي سيارات 2013 منتديات جود

تنويه : المقالات والمواد المنشورة في شباب ليبيا لاتُعبر بالضرورة عن رأي موقع شباب ليبيا ولذا لا تتحمل ادارة الموقع عن اي ماده او مشاركه - تم - او سيتم نشرها من قِبل اعضائها ويتحمل صاحب المشاركه كامل المسؤوليه عن اي مخالفه او انتهاك لحقوق الغير .