مرحبا بك في منتديات شباب ليبيا يمكنك أن تقوم بزيارة أفضل صور جديدة وحصريه وكذلك يمكنك زيارة منتدى غرائب وعجائب العالم  وكذلك لا تنسي قسم الـ قصص والروايات الشيقة وكذلك للفتيات يمكنكم زيارة قسم ازياء وموضة ويمكنك مشاهدة  مسجات للموبايل وترقبوا كل ما هو جديد وحصري في منتديات شباب ليبيا

 


العودة   منتديات شباب ليبيا > منتديات عامة > المنتدى العام والحوار الجاد

المنتدى العام والحوار الجاد كل مايتعلق بالمواضيع العامة الرأي والرأي الأخر

إضافة رد
 
أدوات الموضوع انواع عرض الموضوع
قديم 12-08-2007, 08:07 PM رقم المشاركة : 1


رقم العضوية : 32
تاريخ التسجيل : Nov 2007
عدد المواضيع :
عدد الردود :
مجموع المشاركات : 2,058
العمر : 30

النجم الساطع غير متواجد حالياً

hasri قرمة النسون والعزايز فى الاعراااس





السلام عليكم ورحمة الله وبركاته

تقريم العزايز فى الاعراس

هذا لاشك فيه ، فهذى العادة إنبعثت من سنين

تجد كل عزيز مشرتعة روحها فى تركينة الخيمة ، وتجدها شادة فى يدها

تلكا المروحة فى يدها إدقول كرنافة ، وهذاك الذبان يزن من تركينة إلى

أخرى ، فيجتمعون العزايز فى مجلس واحد يوم الاربعاء فى النجمة ،

ويبدأ التطبيل على البدون (( 20 لتر بس )) وبعد عناء شديد يقمون

العزايز بإستبدال دورهم لكى تأتى الاخرى لكى تطبل من الفرحة ،

وبعد كل هذى الدوشة ، يتجمعن العزايز (( الروص )) فى تلكة التركينة

ويبدأ موسم التقريم قبل الذهاب الى البيت ، حوار بين حورية ، وخديجة (( وبعدها سوف يتم

شمل باقية العزايز ))



حورية :: وبصوت خفيف ، ونفس الوقت بصوت غيلظ خديجة خديجة !!

خديجة :: نعم يا حورية ..!!

حورية :: شفتى بالله بدرية شنوا لبسا ؟؟

خديجة :: ألله بالله خليها فى سرك يا حاجة ...

حورية :: خيرها هيا عبداته الحولى هذا إدقول ....!!!

خديجة :: مش أمس ولا اليوم يا حورية ، هيا ديما عالقا فيه مش عارفة خيرها ؟؟


حورية :: أسمعى أسمعى يا خديجة ..!!!

خديجة :: نعم ...

حورية :: شوفى شوفى يلى خاشة توا ؟؟

خديجة :: مشاء الله ، شوفى شوفى الذهب يلى لابساته ..

حوورية :: إيه يا حاجة ، عاد كيف مروحة من بروطانيا..

خديجة :: تى بروطانيا شنوا بالله ، هذى كانت فى لندن ..

((على أساس لندن مش فى بريطانيا ، قرمة نسون ))

حوورية :: عاد شنوا راجلها هو ديما بره ، بالله ..

خديجة :: شوفى شوفى يا حورية يلى تأكل هذيكة ..

حورية :: وينها يا حاجة ؟؟

خديجة :: تى هذيك يلى بجنب الحاجة خيرية ..

حورية :: إيه إيه شفتها خيرها هذى ..

خديجة :: هادى عاد راجلها ظرورى يشريلها كل عرس ذهب جديد ، وحولى ، أمانا كيف ، حتى

هيا مرة الحاج ((عاشور المنتهى ))

حورية :: لاكن قوليلى يا حاجة خديجة ؟؟

خديجة :: نعم يا حوريه ..

حورية :: هذيك يلى إتحنى فى العروس ، شنوا إسمها ؟؟

خديجة :: اما وحدة منهم يا حاجة ؟؟

حورية :: هذيكة يلى لابسة محرمة صفرة ..!!

خديجة :: هذيكة سلفة أخت العروش (( مش متأكد منها ))

حورية :: على ما أعتقد شيفتها فى عرس الفلانى ؟؟

خديجة :: إيه إيه ، هيا نفسها ، هيا عاد شنوا شادتها إتنسريف من عرس

إلى أخر ..

حوورية :: أمممط ، بالله ..

خديجة :: حورية زعمك بتجى كنتك صبحية ؟؟

حورية :: عيب عاد خليت البنات يصدرو فيها ، معاش تعطل ..

خديجة :: لاكن مشاء الله البنية جمال وأخلاق ..

حورية :: امانا كيف ، هذا من (( ذوقك )) على اساس ..


خديجة :: يا حورية هوووو !!! شنوا رايك فى غداهم اليوم ؟؟

حورية :: حاشة النعمة ، الدهان شوية ، اللحم إدقول لحم إمتاع الشربة ،

ناس قفاصة ، هو عرس مرة فى العمر للبنت ، راهو إديرو عرس باهى ..

خديجة :: والله صدقتى يا حورية ، ولا عاد خلى المسير ، رامض ..

حورية :: لا يا حاجة خديجة ، مش رامظ ، هذا إدروله فى الليم مش يبدأ

زى توا ..

خديجة :: اهاا ، تريتك فالحة يا حورية .. (( من أين لكى هذى المعلومة ))

حورية :: بالله خليك ساكتة يا حاجة خديجة ، ولا خليك هذاك المشروب ،

مثروب (( عندها سن طايرة )) الحكاك ، شكله صلحيته طايحة ، هو بنته

إدقول عصير سنطب ..

خديجة :: لا انا ما بيتش نشرب ، عندى السكر يا وخيتى ، فكنى منه ، انا

ما صدقت إتفكيت منه السكر شوية ..

حورية :: شوفى شوفى يا خديجة ، العجلية جت أهى ..!!!

خديجة :: منوا العجلية ؟؟

حورية :: إن شاء الله ما تعرفيش العجلية ؟؟

خديجة :: منك نتعرفوا عليها ...

حورية :: باهى خلى إناديها ..!!!

حورية :: يا عجيلية هوووو ... يا عجلية ، يا عجلية ، المنجوها هذى معاش تسمع باهى ، يا

عجلية هووووووو ... تعالى شوية يا منجوها ..

(( إلتم الشمل ))

العجلية :: السلام عليكم

حورية + خديجة = وعليك السلام ورحمة الله وبركاته ..

حورية :: أمووووه كيف حالك ، وينى جيتى (( فى الاحضان وبقوة شدية بعد فراق دام من

الصيف يلى فات))

حورية :: يا عجيلية هووو ..!!!

العجلية :: نعم يا حاجة حورية ؟؟

حورية :: هذى يلى معنا أهل الفلان الفلانى ..!!

العجلية :: شنوا حالك يا خديجة ، وين جيتى ..

خديجة:: الحمد الله ، شنوا حالك أنتى ؟؟

العجلية :: الحمد الله ، عندى رجلى إمتعبتنى ، مشت الى التكتور (( الدكتور )) قال هذى البردة ..

خديجة :: يا لطيف ألطف ، بسيطة بسيطة ..

حورية :: وينك لاتوا يا العجلية ؟؟

العجلية :: كنت فى عرس الفلان الفلانى ..

حورية :: والنبى مشيتى ، انا ما عزمتنيش المنجوها هذى .. بما انا

عزمتها فى عرس ولدى خليفة ..

العجلية :: تى ما تعدليش ، لاكن يا حورية شفتلك شوفا فى العرس هذاك

حيه حيه ،؟؟

حورية :: تى شنوا شفتى يا منجاها ؟؟

العجلية :: هذيكة الخيمة المكيفة ، وهذوكم الصفر يلى مشيات وجيات

معبيات بى الحلويات ، وهذاك البنوت يتحاوس فى كل ، ولا خلى عاد

العشى ، إببببببببببه على العشوات ولا لوحى ، ك***ى باللحم ، قصدى للحم بالك***ى .

. وهذاك المشروب المسقع .. من الاخير العرس مسقع حتى هو ..

خديجة :: مشاء الله ربى يعطيهم من خيره ..

حورية :: عاد شنوا بباهم يخدم غادى (( مش لازم وين )) وناس معبية

بالفلوووس ، خلى إديروو ، صحتين ..

العجلية :: لو شفتى أم العرووس شنوا لابسة يا حنه ؟؟

حورية :: شنوا لابسة ؟؟

العجلية :: هذوكم الخواتم ، والسناسل ، والحدايد الى مرفقها ، ولا خلى الحولى يلى من الحرير

الاصلى ..

خديجة :: بالله ربى يعطيهم ، ويعطينا من خيره ..

العجلية : يا حورية .. !!

حورية :: نعم يا عجلية ..!!

العجلية :: شوفى فتحية شنوا لابسة ؟؟

حورية :: وينها ؟؟

العجلية :: اونها بجنب كنتك سالمة ..!!

حورية:: إيه شفتها خيرها ؟؟؟

العجلية :: نفس القفطان يلى لبساته فى عرس بنت سميرة ، كانت فيه

تمزيقة من لوطا ، شكلها خيطتها ..

حورية :: إيه والله خيطتها الباين شفاته ..

العجلية :: خديجة !!

خديجة :: نعم يا عجيلية !!

العجلية :: خيرك ساكتة ، قولى شكارة ، قولى كاغط ؟؟

خديجة :: أس أس أس ، شوفوا يلى طالعا توا ، شوفوا رداها ؟؟

حورية :: هههههههه ردى العازة ، مش متحشمة على وجها بكل ، المشكلة

راجلها إمعبى ، إمقفص عليها فى حق ردى ..

العجلية :: يدسوا فى فلوسهم للعمر الجديد ، امانا كيف !!

حورية :: العمرة مرة وحدة بالله ، والناس إتقفص على روحها ..

العجيلية :: يا حورية ، وين زهرة أمانا مش باينا فى الخيمة بكل ..

حورية :: قالت خلى نمشى بترقد ولاد بنتها ..!!

العجلية :: وبينتها وين ، خيرها مترقدش ولادها بروحها ؟؟

حورية :: مالنا ومالها ، إترقد ولا ما اترقدش ..

العجلية :: أهى جت هيا ..

زهرة :: السلام عليكم

(( بعد التمغيط فى الاحضان ، والبوسان ، ومش عارف شنوا ))

العجلية :: وينك يا حاجة زهرة ؟

زهرة :: حال المرض ، والتعب ، بالله ..

خديجة :: لاباس يا زهرة ؟؟

زهرة :: كان عندى ظهرى إمتعبنى ، و عالقة فى الشويهات ..

خديجة :: ربى إفرج عليك يا زهرة ..

زهرة :: يا عجلية ، وينك يا حاجة مش باينا بكل هذى الايام ، وين غاطسة؟

العجلية :: الله غالب يا يا حاجة زهرة ، كبرنا ، وتعبنا ، ومعاش فينا جهد زى قبل ...!!

زهرة :: ربى يعطيك الصحة ..

حورية :: زهرة شنوا رايك فى العرس؟؟ .. انا تبى الحق ما عجبنيش ..!!

زهرة :: باهى مش بطال ، عاد اولهم عرس هذا ، اكيد بتلخبط عليهم الامور شوية ، عاد أول عرس

ليهم .. لاكن تبى الحق الحق ، غداهم اليوم حاشا النعمة ..

خديجة :: إيه قلتلهم حتى انا ، إمكترين من الدهان ، والبصلة شوية ..


البنت ::حاجة حورية ، يا حاجة حورية ..

حورية :: نعم يا بنيتى ..!!!

البنت :: ولدك ينادى عليك ، قالك هيا كب بتروحى ...

حورية :: إيــــــــــه علنا ، مصرع جى المفعوص هذا ، انا قلته تعال مخر شوية .. باهى باهى

قوليله أو جياتك الخراء هذا ..

خديجة :: شنوا يا حورية ، مروحة ..؟؟

حورية :: أهو جى الطفل ، وانا وصيته قلتله تعال إمخر شوية ، عارفينها سهرية ..

خديجة :: برى يا حاجة روحى الجو إتسقع شوية ، وانتى عندك البرد فى رجليك ..

حورية :: هيا بسلامتكم يا نساوين ..

(( بعد ما تدارك الاحضان فى بعظها ، وبعد العناق الطويل روحت حورية)

العجلية :: يا خديجة ..!!

خديجة :: نعم يا عجلية ..!!

العجلية :: تى الحق حتى حورية قفاصة شوية فى عرس ولدها ..

خديجة :: إيـه والله ، ريحت المقروضات ، وطاست شاهى ، وتم العرس ..

زهرة :: تذكرى يا خديجة وقت إمشنلها أمات قرو الفاتحة ..

خديجة :: مذكرتها يا زهرة ، عاد جيينهم ناس برنية ، وإمدايرين هذوكم

الصفر الحديد فيهم الحلويات ، والشاهى قاعد فى البراد ، ولا خلى شنوا

طيبولهم فى العشى ، ريحت شربة تشلفك كلها ميه ، ومن غير لحم (( شربة حفيانة من الاخير

بكل )) ...

العجلية :: وعاد هذى مهناش منه بكل وأنا وأنا ومش عارفة شنوا ، ربى يصبرنا على الناس

هذى (( على اساس هيا توا مش قفاصة ))


البنت :: حاجة زهرة ، يا حاجة زهرة ..

زهرة:: نعم يا بنيتى ..!!

البنت :: شبا*** إنادى عليك ، وقالك خفى روحك ، فيه عرس تانى ..

زهرة :: أنى جاية فريرا ، خلى ناخد شلاكتى وإنجيه ، ثبتى عليه ، انا جياته ، راهو يمشى

عليا المنجوه ..

البنت :: باهى يا حاجة ، توا إنقوله ..

زهرة :: هيا سلامتكم يا عويلة ، شكلى عندى عرس تانى وما نندريش على

روحى ..

العجلية + خديجة = سلامتك يا زهرو .. عاد الاربعاء الجائ عرس فلانة ..

زهرة :: عيب عاد ، انا نستنا فيه من الصيف يلى فات ..

(( روحت زهرة ))

العجلية :: أسمعى يا خديجة ، والنبى كلملى وحد من الفروخ خلى إسقدونى خلى نبى إنروح

حتى انا ..


خديجة :: باهى ..يا فاطمة .. يا فاطمة هوووو ..

فاطمة :: نعم يا جداى ..

خديجة :: تره شوفيلي واحد من الظرارى البره ، خلى إسقدوا عمتك العجلية

خلى تبى إتروح ..

فاطمة :: باهى يا جداى ..

فاطمة :: جداى جداى ..

خديجة :: نعم يا بنيتى ..

فاطمة :: أهو توا يوصلها ولد عمى زويته .

خديجة :: ما إلقتيش غير الصفروت هذا ..

زويته :: خيرك يا جداى ..

خديجة :: تعال وصل عمتك العجلية ، راهوو يجيها الكلاب من قطعت عمك

خليفة ، رهوا معبا كلاب ..

زويته :: باهى يا جداى ..

العجلية :: هيا تصبحى على خير يا خديجة ..

خديجة :: وانتى من اهل الخير ، وبرى وحدة وحدة ، ردى بالك من ظهرك ..



وفى خاتمة القرمة والتعليق النسون فى الاعراس ، وهذا لاشك فيه

وقد صادفتنى هذى الاحداث فى كل الاعراس ..


والسلام عليكم ورحمة الله وبركاته



rvlm hgks,k ,hgu.hd. tn hghuvhhhs





اخترت لكم من مواضيعى

0 عـــاجل // نتائج مواد الشهادة الإعدادية حتى آخر إمتحان هنا.
0 الزنجبيل
0 كلام جميل و كلام ذهب...كل عضو يقول ماعنده
0 ليبيانا تشن حرب لا رجوع فيها على مقاهي الإنترنيت, نقمة أو نعمة
0 مائة كلمه انجليزي احفظها وتكفيك سهولة التخاطب مع الغير
0 ادوية منشطة
0 علمتـــــــني الحياة
0 الزين والفاء والحب في الليبيه ( بنت بلادي ), شعر شعبي
0 خد ثلات واحذر ثلات
0 حب الشبـــــــــــــــــاب
رد مع اقتباس
قديم 12-11-2007, 01:50 PM رقم المشاركة : 2


رقم العضوية : 80
تاريخ التسجيل : Dec 2007
عدد المواضيع :
عدد الردود :
مجموع المشاركات : 568

شكشوك للشعر الشعبي غير متواجد حالياً

افتراضي





والله حق ياراجل اتصور النساء بكل مايخلوا حد في حالة انشاء الله ربك يسترنا وخلاص ومنور هلبة علي المواضيع الجميلة تقبل تحياتي اخوك عبد المنعم الجدي




اخترت لكم من مواضيعى

0 حصريا في منتدي شباب ليبيا
0 إلي الشاعر عبد السلام عاشور
0 مازال عندي همه
0 موضوع ضروري ومهم للاعضاء
0 تغاريد في الغربة
0 عزيز ظلمني
0 سالتيني
0 قصة حقيقية لكل شاب
0 شكشوك والشعر الشعبي
0 هل يكتب الشاعر دائماً انطلاقاً من تجربة واقعية
رد مع اقتباس
قديم 12-11-2007, 02:32 PM رقم المشاركة : 3
شيناز
عضو
بارز


رقم العضوية : 33
تاريخ التسجيل : Nov 2007
عدد المواضيع :
عدد الردود :
مجموع المشاركات : 1,213
العمر : 32
الإقامة : Tripoli

شيناز غير متواجد حالياً

افتراضي





والله يا نجم اممممم صح بس حتا انتو في كل عرس او عزي مشاء الله عليكم
لكن الستر باهي يا نجووووم علاش هل فضايح
هههه صحية والله




اخترت لكم من مواضيعى

0 قصة راعي النيسان ...
0 أرضاء المرأه مستحييييييييييييييل
0 قصيدة جمعت كل سور القرآن !!!
0 لجواد صيفـــــة ليــــــــــــــــــهم ....
0 لــ تدفئة الجسم في الشتاء ،،،
0 حكايتي معاه ومع الزمان..
0 لعبه قطاااااار الموت ..
0 ماهي معــــرة
0 ادخل واكتب اجمل بيت شعر مر عليك
0 ســــأظل ..
رد مع اقتباس
قديم 12-11-2007, 10:46 PM رقم المشاركة : 4


رقم العضوية : 32
تاريخ التسجيل : Nov 2007
عدد المواضيع :
عدد الردود :
مجموع المشاركات : 2,058
العمر : 30

النجم الساطع غير متواجد حالياً

افتراضي





انا مجرد حكي وحقيقة لا اكثر ولا اقل وشكرا علي الردود ...........




اخترت لكم من مواضيعى

0 الثوم
0 هل تريد معرفة اذا كنت تملك الحاسه السادسه أم لا ؟
0 صباح الخيــر ......مساء الخيـــر........تصبحو على خيـــر
0 أنواع الحجامة
0 البطاطس غنية بالمعادن والفيتامينات
0 مسلسل نور وباب الحارة لماذا وكيف؟
0 عـــاجل // نتائج مواد الشهادة الإعدادية حتى آخر إمتحان هنا.
0 فوائد زيت النعناع
0 اذخره
0 حب الرشاد ( الثفاء )
رد مع اقتباس
قديم 12-13-2007, 12:56 PM رقم المشاركة : 5
شيناز
عضو
بارز


رقم العضوية : 33
تاريخ التسجيل : Nov 2007
عدد المواضيع :
عدد الردود :
مجموع المشاركات : 1,213
العمر : 32
الإقامة : Tripoli

شيناز غير متواجد حالياً

افتراضي





عارف يا نجم شكر ليك




اخترت لكم من مواضيعى

0 هذا حال الدنيااااا...
0 حبة البركة للقراع والثعلبة خااااااااااااااص لرجال قبل فوات الاوان
0 الـــــــــحــــــــجـــــــاب
0 هل تعرفون ان المانجو ملكة الفواكه ... وفيها فوائد صحية كثيرة
0 يعني أعطيك الثقة وتردها ب"لوي"الذراع!!
0 صــــــمـــــت الـــــوداع
0 مدرسـ المشاغبين ــة......( اللعبة المميزة لهذا الاسبوع )
0 نصائح أب لي إبنته في يوم زواجها.....
0 هل تعرف انا بيت العنكبوت هوا فاكهة الجنة؟؟؟ادخل وشوف ماهي فاكهة الجنة.
0 .۝شوك السمكة اذا علق في الحلق؟؟ الحل هنا۝.
رد مع اقتباس
إضافة رد

مواقع النشر (المفضلة)

الكلمات الدلالية (Tags)
الاعراااس, النسون, فى, والعزايز, قرمة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
من احلى الكلمات التى قرأت فعلا لاتندم ان قراتها قمر طرابلس خواطر - خواطر قصيره 7 11-15-2009 02:37 AM

RSS RSS 2.0 XML MAP HTML

الساعة الآن 03:10 PM.
Version 3.8.7
Copyright ©2000 - 2014, Jelsoft Enterprises Ltd.
Content Relevant URLs by vBSEO 3.6.0
 

الوصول السريع

طريقة عمل الكيك صورلمناظرطبيعية كيف تجعل شخص يحبك نكت مضحكة اسماء بنات ايميلات بنات صور بنات طبخات سهلة اكلات جديدة عمل ايميل على الياهو شعر حزين شعر حب وصفات لزيادة الوزن مسجات حب قوقل ايرث اسماء اولاد منال العالم نكت محششين بنات للتعارف مسجات مقالب غرائب وعجائب اجمل الصور اسماء البنات مترجم انجليزي عربي اجمل النكت كلام حلو أسماء بنات اجمل نساء العالم اسماء اطفال اناشيد طيور الجنة ايقونات الحب صور قلوب اختصارات ماسنجر مسجات شوق فوتوشوب عربي سيارات 2013 منتديات جود

تنويه : المقالات والمواد المنشورة في شباب ليبيا لاتُعبر بالضرورة عن رأي موقع شباب ليبيا ولذا لا تتحمل ادارة الموقع عن اي ماده او مشاركه - تم - او سيتم نشرها من قِبل اعضائها ويتحمل صاحب المشاركه كامل المسؤوليه عن اي مخالفه او انتهاك لحقوق الغير .