غلاكم على الحساد كيف اندسه

**علي أحسي الزنتاني** · 03-16-2010, 04:33 PM

كيف انــدســـــه ))
***************

غلاكم على الحساد كـيف اندسـه ** يصـبح معايـا والمسـاء يتمسـه**

جــرحك ماكـن **غــلاك ياجمــيله فـالجــواجـي ســاكــن

مشتـاق يامـولـى الهــدب الداكن **قـداش منــك نبنعــدي غسه

ولكـن حداري ياجميـله لكـن ** يجي وقــت والعــا شق يعلي حسه

غلاكم على الحساد كيف اندسـه ** يصـبح معايـا والمسـاء يتمسـه**

************************

كيف نبن دس غــلاكم ** وباش نبن داويهم علايل داكم

وقداش بن راجي وطال رجاكم ** ونتم عليكم طاقين العسه

عايش على لوهام في ذكراكم ** يمسى ويصبح خاطري يتقسه

موحال لا يصبر ولا ينساكم ** بعد ما بديتوا في حياتي قصـه

الخاطر مرايف شوقكم وغلاكم ** من العقل تالاكم ملكتوا حصه

غلاكم على الحساد كيف اندسـه ** يصـبح معايـا والمسـاء يتمسـه**

**********************

غلاكـم سكن ما حـوّل ** ومازال داكم فالكنين مطــــوّل

ومازال فالخاطـر غلاكـم لـول **مجروح جرحي عالطبيب تعصه

ومازال في شبح الحبيب انعول ** ومازال فالخاطر وما نتوصه

غلاكم على الحساد كيف اندسـه ** يصـبح معايـا والمسـاء يتمسـه**

****************************

من ديــــــوان غـــلاء شــــــوق

علي أحسي الزنتــــــــاني

المصدر: منتديات شباب ليبيا - من قسم: شعر و قصائد

ygh;l ugn hgpsh] ;dt hk]si

**بنت فارس** · 03-16-2010, 05:19 PM

والله أنك نورت المنتدي شاعرنا

الكبير (علي أحسي الزنتاني)

صح لسانك وربي يسعدك

زي ماسعدتنا بوجودك معانا

في امان الله

**زهرة الجنوب** · 03-18-2010, 09:29 PM

مشكووووووور يا اخ على

**المتالق** · 03-18-2010, 09:50 PM

غلاكـم سكن ما حـوّل ** ومازال داكم فالكنين مطــــوّل

صح لسانك ونتظر جديدك

**علي أحسي الزنتاني** · 08-20-2010, 02:49 AM

[quote=بنت فارس;188491]والله أنك نورت المنتدي شاعرنا

الكبير (علي أحسي الزنتاني)

صح لسانك وربي يسعدك

زي ماسعدتنا بوجودك معانا

في امان الله

*****************************************

احييك وأشكرك بنت فارس وبارك الله فيك

والمعذرة عن التأخير

هديتي لك

/ رقيق عزمها عيني رقيق غرضها *يسيل دمعهـا لياكان من غيظها
رقيـق عـزمهاوتلاجي ** العـين ياجميلة دمعهـا قجّاجي
في زول غايب من زمان تراجى ** عليهـا عقـوبة لـكربي فارضها
تبات ساهرة فذكرالحبيب تناجي** طال صبرها عيني وزاد مرضها
تبات ساهرة وتنادي ** نزل دمعهـا غدر على لـوسادي
شتاقت العين تقول وين مرادي** وين ما بتنسى خاطري يوقضها
على بنت جوني دونها حسّادي ** معاهـم معارك طـانةخايضها
والعيـن ديمه فالعزيز تنادي ** يخطر عليها وين بنغمضها
والعقل حاير بين جاي وغـادي** العين ماقدرش يردهـا يعارضها
رقيق عزمها عيني رقيق غرضها *يسيل دمعهـا لياكان من غيظها

*******************************

مع تحياتي للجميع / علي احسي الزنتاني

quote]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غلاكم(من الاشعار الشعبية المنقولة)	ساحر العيون	خواطر - خواطر قصيره	5	05-04-2010 01:34 AM

غلاكم على الحساد كيف اندسه

شعر و قصائد

روابــط تهمـــك

روابــط مفيدة

برامج ننصح بها