أنت غير مسجل في منتديات شباب ليبيا.
للاشتراك الرجاء اضغط هنــا
|
 إعلانات منتديات شباب ليبيا | ||||
| | | | | |
| ||||
|
| |||||||
| التسجيل | التعليمات | قائمة الأعضاء | التقويم | الإعلانات | اجعل جميع المنتديات مقروءة |
|
| المنتدى العام كل مايتعلق بالمواضيع العامة الرأي والرأي الأخر |
| « آخـــر الــمــواضــيــع » |
 |
| | LinkBack | أدوات الموضوع | طرق مشاهدة الموضوع |
12-31-2007, 04:47 PM
| #1 (permalink) | |
  تاريخ التسجيل: Nov 2007 الدولة: evry bady looking for me no 1can get me
المشاركات: 759
|  تعال خش انت واياها وياها؟؟؟؟؟؟؟؟؟؟؟؟؟ شن حالكم يااعضاء وشن اموركم ان شاء الله بخير طبعا اليوم جاي نحكيلكم موقف صارلي امس في حافلة ومن الاخير ماتعرفش لاتضحك لاتبكي :D:( نبدوا ونقولوا بسم الله واشحطوا سبيدرواتكم لان قصة حزينة واجد اثارة تقول فيلم المهم امس جيت عالصبح بعد ماكملت المكياج والجو هوا منولع الحنينة ماتبيش تولع تى كانه عاد المهم بعد مااطريت اني نطلع جميع مهاراتي الفنية والميكا***ية عرفت ان السيارة مافيهاش بنزينة المهم قلت معاش فيها الا ندير وقفة عالاطلال ونركب حافلةالمهم انا وقفت عالطريق اول حافلة وقفتها ركبت لقيتها زحمة قعدت واقف نشوف في وحدة طرف من الاخير قصدي جمال تقول مش عارف كيف راكبة حافلة بسم الله ماشاء الله مما ادى الى اني نسرح شوية وفقت على صوت عذب يقول ايمينك ياسواق طبعا نزلت باش نزل الراكب صاحب الصوت الشجي ولما رجعت لحافلة رجع فيا الدم من جديد ودبت الحياة واشرقت الشمس وتفتحت الازهار والعصافير تغرد (مش عارف منين جو وسط احافلة) تعرفوا علايش لقيت الكرسي اللى بحدى الطرف هذيكا فاضي المهم قعمزت انا على اساس جنتل والجو هوا ومخلي مسافة بيني وبينها وهي مرة مرة اديرلي في نظره غريبة حسيتها انضربت طبعا انا على اساس ماورقتش لنظرت لين بعدين هي مش عارف علايش خطر على بالها دارت حركة مش طبيعية وشنطتها كلها تشرتعت قدامي طبعا خوكم wanted بفعل الادب والاخلاق والجو هوا قلت نقيميلها البضاعة مش تقولوا يبي يلخبطها لالا ردوا بالكم تمشوا بعيد المهم كان فيها n73 ومش عارف بضاعة سمكرة وطلاء وكيت كات (قلت لروحي اكيد دمها خفيف) وحاجات ثانية المهم قمتهم بمهارة وعطيتهملها بحنية وقالتلي شكرا طبعا انا قريب ذبت من الصوت بعدها حطت البضاعة في الشنطة وقالتلي راهو ناقصة حاجة قلتلها شن قالتلي فلوسي مهناش انا طبست شفت قلتلها مافيش قالتلي شن مافيش وانا تاكدت منهم في الشنطة انا استغربت وطبعا في ملامح على وجهها انها صادقة (لا ملامح لاشي غير هي طرف والهبي ذايب بس ) نزلت طبست قلبت الكرسي اللى قدامي واللى وراي مافي شي طبعا هي دارت الشهدرة وفلوسي وياحرايمي انا قاعد مخلوع (مخلوع ولا ذايب في الجمال ) وانتوا تعرفوا الليبيين ماعندهمش الروح مع الشحشحة سواق حافلة درس ونزلهم كلهم ودورنا مالقيناش الفلوس مشي السواق وقف حافلة ثانية ويركب فيها الركاب وقعدت انا والبنت ركبنا ويدرس بينا على مركز (من صغري وانا نكرهه هذا وين عرفت علايش ) خشينا للمركز البنت قالتلهم هوا خنب مني فلوس والجو هوا طبعا قدامي رئيس المركز وجماعته انا كيف منقول والله ويجيني كف ياجماعة (قلت لروحي علايش مش حاطينه في غرفة الانعاش قصدي يحي الميت وينشط الذاكرة مش عارف ايد رئيس المركز غطت وجهي وفضل منها غطى رقبتي وانا كيف منقول اقسم ويمدني بعنفقة انا خلاص الحمد لله اللى كنت خاش للحمام قبل مانطلع من الحوش وجوني الثانيين طاحوا فيا تشلبيخ قدام البنت بعدين الافندي قالي اوقف وقفت ولو اني ماحسيتش بروحي واقف ولا مقعمز ت حتى وجهي معاش نحس بيه هذا وين عرفت عمر دياب شن يقصد ب انا عايش ومش عايش قالي تبي تقول حاجة قلتله براسي ايوة منغير مانتكلم اصلا لساني مشعارف وين طار قالي شن تبي تقول تلفتت للبنت قلتلها كم فلوس انت قالتلي 30 جني اني نضت نرقص ونقول اهو طلع حق ربي قالي الافندي شن قلتله اني اللى تحتي كله اربعة جني ونص وفتشوني لو مش مصدقين وطبعا فتشوني ولقو عندي زوز جني شكله في واحد حرايمي في حافلة قام الزوز جني واني ذايب مع البنت البنت قالتلهم اكيد رماهم لما نازلين من حافلة الافندي بعت جماعته يدوروا مالقوش الفلوس طلعوا وخلوني في الدار بروحي .لما البنت طلعت كلمت امها قالتلها انا في المركز وخنبولي فلوس امها قالتلها لا فلوس نسيتيهم في الحوش ومنكلمك ماعنديش رصيد قالتلها البنت لالا اني الفلوس جبتهم امها قالتلها اهو قدامي 30 جني البنت تزرطت وقالت للافندي خش عليا الافندي قالي نوض روح قلتله شن؟؟؟ قالي روح مافي شي قلتله شن مافي شي قالي خلاص البنت طلعت ناسية فلوسها في الحوش انا خلاص ولعت للمليون قلتله توة نبي نفتح محضر رد اعتبار مشي خشت البنت قالتلي اسفة طبعا لما قالت اسفة بصوتها الحنون قريب ذبت مرة ثانية لكن جاني شاهد العقل قلتلها شن اسفة والكفوف اللى كليتهم شن تسمي فيهم قالتلي اللى تبيه اني فيه قلتلها شن نبي بيك اني الكفوف اللى كليتهم على خاطرك شن نديرلهم قالتلي انت واجعينك الكفوف قلتلها ايه قالتلي لو واجعينك اهو ردهم قلتلها ايه منردهم والله مايباتوا فيا وطبعا الافندي يتفرج وحال فمه تعرفوا ياجماعة نوقف قدامها ونقيم ايدي لين تمس ظهري من التالي ونشوف لجدوقها الجميلات ونوجه ايدي عليهم عرفتوا ايدي لما تحركت جو النار من كثر السرعة وتجيني عنفقة من بوي يقولي نوض معاش وقت عاعمل نياهاهاهاهاهاهاهاهاها عادي ماتخافوش مش حيباتوا الكفوف فيا اليوم جايبلها جماعة ومنرقدلها من العشية ان شاء الله نياهاهاهاهاهاهاهاهاها سامحونا شحطناكم نياهاهاهاهاهاهاها سلامات التعديل الأخير تم بواسطة : !wanted! بتاريخ 01-04-2008 الساعة 07:43 AM. | |
|  |
|
01-18-2008, 02:46 PM
| #3 (permalink) | |
 تاريخ التسجيل: Dec 2007 الدولة: ليبيا
المشاركات: 1,653
| هههههههههههههههههههههههههههههههههههههههه والله العظيم ونا نقرا في القصة قلت هدا حقيقة والله وكابوس عايش فية ونتدا ههههههههههههههههههههههههههههههه ربي يعطيك الصحة والله بجد انسجمت وحسيت انى بنتفرج على فلم هههههههههههههههه | |
|
| |
|
01-28-2008, 01:19 PM
| #7 (permalink) | ||||||||||||||||||||||||
تاريخ التسجيل: Nov 2007 الدولة: evry bady looking for me no 1can get me
المشاركات: 759
|
تى عادى توا انديرو نسخ ولصق ويقعدو زوز تى باهى لى جاء كان هذا راهو مشيت لمحكمة وكلمت ضغار عمى وصارنا مشاكل | ||||||||||||||||||||||||
|
| |
|
01-29-2008, 06:56 PM
| #9 (permalink) | ||||||||||||||||||||||||
تاريخ التسجيل: Nov 2007 الدولة: evry bady looking for me no 1can get me
المشاركات: 759
|
الله يبارك فيك اختى ومشكورها على المرور ولم انتى تردى نفرح مش عارف ليش :cool: اسكت انت وياها مش قصدى شى | ||||||||||||||||||||||||
|
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
المواضيع المتشابهه للموضوع: شوفوا المواقف واحكمو ؟؟؟؟؟؟؟؟؟ | ||||
| الموضوع | كاتب الموضوع | المنتدى | مشاركات | آخر مشاركات شباب ليبيا |
| شوفوا شعار هالمطعم الحقييييييييييييييييير.......... | صلاح امصيري | غرائب وعجائب العالم | 6 | 08-26-2008 11:17 AM |
| تعالوووووا شوفوا مدينة الثلج | صلاح امصيري | غرائب وعجائب العالم | 2 | 03-01-2008 06:51 PM |
| معاني اسماء البنات حسب علم النفس .. شوفوا ! | ملاك الكون | المنتدى العام | 28 | 01-31-2008 10:45 PM |
| اذا مرت بك هذه المواقف ماذا ستفعل ؟؟ | شيناز | المنتدى العام | 2 | 12-18-2007 10:30 AM |
| شوفوا البنات وش صاروا يكتبون علي عباياتهم | شيناز | المنتدى العام | 2 | 12-18-2007 10:28 AM |
مواقع صديقة | ||||
تطوير شـبـكـة شباب ليبيا
 |
برامج - برامج كمبيوتر - الكمبيوتر - برامج جوال - نوكيا - غرائب و عجائب - قصص - روايات - صور - صور سيارات - تحميل العاب فلاش - سنوات الضياع - عالم حواء - خواطر - افلام كرتون - ديكور - طبخ في مطبخ حواء - ازياء و موضة - اخبار الفن - برامج صوت وفيديو - برامج شبكات - برامج محادثه - منتديات شباب ليبيا - Youtube Download
خريطة الموقع 
العرض العادي
