يوميات ونتد ؟

**!wanted!** · 12-30-2007, 04:26 PM

نهاركم طيب ان شاء الله

اليوم الصبح راقد وجوي مش عادي نحلم بروحي راكب لاموزين سوداء

ماشي للعروس متاعي بروح بيها من صالة المهم بعد ماوصلت ليها

نسمع في جارتنا تنادى ياعيلة ياعيلة ياعرب البيت طيرت الحلمة المهم هذه

نوعها نوع خوكم مسميها ام زاكى ا شارعنا نفخت هذاك الدماغ وخلت امي تنوض

تهدرز معاها شنو حالك وين مشيتي امس شني بكرة نمشو نعزو وخودلك من

الكلام هذا تعرفو كان فكرت نحول من حوشنا علي خاطرها لامخليه قايلة لا مخليه

صبح بكري لا ليل متأخر المهم بعد ماطلعت قلت خلي نكمل نومي ونكمل الدريم

يلي كنت فيه لقيت روحي مطلق المراء قبل مااروح بيها

طول نضدت لأمي وقلتلها معاش نبي أم زاكى تجينا من الأخير

واني قاعد ناصبلها قدام الحوش
وهيا سلام

**sweet girl** · 12-30-2007, 11:20 PM

ههههههههههههههههههههههههههههههه

ماعندكش نصيب في الحلمة تكملها

ارقد واحلم تاني خخخخخخخخخخخخخخخخخخخخخخخخخخخخ

سلم علي ام **ي هههههههههه

**!wanted!** · 12-31-2007, 08:47 AM

مشكوره اختى المرور
توا يوصلها سلامك ان شاء اللة

**شيناز** · 12-31-2007, 08:58 AM

ههههههههههه كل تاخيرة فيها الخيره يا wanted

بس انتا شكلك متسبل طلقت على طول غر قول من ريت في الحلم باش خلاك تطلق العروس

**!wanted!** · 12-31-2007, 09:05 AM

بينى وبينك جات ام زاكى وخربت الحلم بكل
ومن ريت هذا سر ياشيناز

**love me** · 01-14-2008, 07:35 AM

ههههههههههههههه مشكور يا ونتد
ام زاكى عندنا واحده زيه

**!wanted!** · 01-22-2008, 07:18 AM

مشكورها اختى على مرور الكريم

01-27-2008, 10:38 PM

ههههههههههههه

جارتنا أحرف منها : تقول صعيدية تخش للحوش الصبح وتبدا تعطي في التقرير الإخباري لامي

وأمي طبعا تناقش فيها وتحاور فيها تقول في أستوديو تحليلي متع قناة الجزيرة

لكن كان صوتهم عالي نديرلهم صيحة من داري ينقصو الصوت وينهو البرنامج على طول او يديرو فاصل إعلاني ويرجعو لدوشتهم

ربي يصبرنا أني وياك ياوونتد على أم زاكي وأمثالها

**!wanted!** · 01-28-2008, 01:25 PM

اقتباس

المشاركة الأصلية كتبت بواسطة hackdack


	ههههههههههههه جارتنا أحرف منها : تقول صعيدية تخش للحوش الصبح وتبدا تعطي في التقرير الإخباري لامي وأمي طبعا تناقش فيها وتحاور فيها تقول في أستوديو تحليلي متع قناة الجزيرة لكن كان صوتهم عالي نديرلهم صيحة من داري ينقصو الصوت وينهو البرنامج على طول او يديرو فاصل إعلاني ويرجعو لدوشتهم ربي يصبرنا أني وياك ياوونتد على أم زاكي وأمثالها

تى شنو يا مدير جارتكم مش ام زاكى شكله فاطمة بن حوحو
مذيعة الاخبار امتاع ام بى سى
تى باهى كويس معنه الدوشه عندكم كل سبت واحد يعنى وقت
الدورى الاسبانى بس
كل انا على مدار ساعة

**sweet girl** · 01-29-2008, 05:26 PM

ههههههههههههههههههههههههههههه

يصبرك ربي يا مديرنا انت وخوي وينتد واحدام زاكي والتاني فاطمة بن حوحو

شن رايكم تجو تعيشو عندنا احني ماعندنا حد ومافيش من يخش عليك يطيرلك نومك خخخخخخخخخخخخخخخخخخخخخخخخ

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: يوميات ونتد ؟
الموضوع	كاتب الموضوع	المنتدى	مشاركات	آخر مشاركات شباب ليبيا
يوميات شاب من بنغازى؟؟؟؟	!wanted!	هــــدرازي شباب ليبيا	13	04-11-2008 02:50 PM

مواقع صديقة
مسجات	برامج	صور

الذين يشاهدون محتوى الموضوع الآن : 1 ( الأعضاء 0 والزوار 1)

يوميات ونتد ؟

هــــدرازي شباب ليبيا